सुजात आंबेडकर अमरावती वरून लढणार!
अमरावती : लोकसभा निवडणुकीसाठी महाविकास आघाडी आणि वंचित बहुजन आघाडीमधील जागा वाटपाचा तिढा अजूनही सुटलेला नाही. दरम्‍यान, वंचित बहुजन आघाडीचे नेते प्रकाश आंबेडकर यांचे पुत्र सुजात आंबेडकर यांना अमरावती लोकसभा मतदारसंघात उमेदवारी देण्याची मागणी वंचित बहुजन आघाडीच्या पदाधिकाऱ्यांकडून करण्यात आली आहे. स्थानिक पदाधिकाऱ्यांनी यासंदर्भात ठरावही केला आहे. त्यामुळे सुजात आंबेडकर अमरावतीतून निवडणूक लढवण्याची शक्यता वर्तवली जात आहे.
