स्कूल बस उलटून भीषण अपघात, 6 विद्यार्थ्यांचा मृत्यू, 15 जखमी
ओव्हरटेक करण्याच्या नादात उलटली बस, 6 विद्यार्थ्यांचा मृत्यू
महेंद्रगड : ओव्हरटेक करण्याच्या नादात बसचा भयंकर अपघात झाल्याची माहिती मिळाली आहे. या बसमध्ये विद्यार्थी होते. विद्यार्थ्यांनी भरलेली बस उलटल्याने खळबळ उडाली आहे. गुरुवारी सकाळी शाळेची बस उलटून भीषण अपघात झाला. या अपघातात 6 विद्यार्थ्यांचा मृत्यू झाला तर 15 जण जखमी झाले आहेत.हरियाणातील महेंद्रगड येथे भीषण अपघात झाल्याची माहिती मिळाली आहे. स्कूल बसचं नियंत्रण सुटल्याने ती उलटली ही धक्कादायक घटना गुरुवारी सकाळी घडली.बसमध्ये सुमारे 35 ते 40 विद्यार्थी होते. अपघातानंतर 6 मुलांची प्रकृती चिंताजनक असल्यानं त्यांना जवळच्या रुग्णालयात उपचारासाठी पाठवण्यात आलं होतं. मात्र त्यांना मृत घोषित केलं आहे.
