अमरावतीतून मोठी बातमी
चालकाचे नियंत्रण सुटले आणि ऑटो नदीत कोसळला
माहितीनुसार अमरावती मध्ये अपघाताची बातमी समोर आली आहे. प्रवाशांनी भरलेला ऑटो चंद्रभागा नदीत पलटी झाला आहे.
नदीपात्रात ऑटो पलटी झाला या दुर्घटनेत एका प्रवाशाचा मृत्यू तर 14 प्रवासी जखमी झाले आहेत. जखमी प्रवाशांना उपचारासाठी स्थानिकांच्या मदतीनं रुग्णालयात दाखल करण्यात आलं आहे. दर्यापूरच्या रामगाव परिसरात हा ऑटो नदी पात्रात कोसळला आहे.
सूत्रांच्या माहितीनुसार जिल्ह्यातील दर्यापूर येथून बाजार करून रामगाव मार्गे कोळंबीला जात असताना तीन चाकी ऑटो रामगाव येथील चंद्रभागा नदी पात्रात पलटी झाला. या ऑटोमधून एकूण 15 प्रवासी प्रवास करत होते. या घटनेत सर्व प्रवासी गंभीर जखमी झाले आहेत, त्यांना तातडीनं उपचारासाठी स्थानिकांच्या मदतीनं जवळच्या रुग्णालयात दाखल करण्यात आलं. मात्र उपचार सुरू असताना जखमींपैकी एका वृद्धाचा मृत्यू झाला आहे. सुखदेव इंगळे व ७० वर्ष असं या मृत्यू झालेल्या व्यक्तीचं नाव आहे.पुढील तपास खल्लार पोलीस विभाग करत आहे.
