गंगास्नान करायला निघाले, ट्रॅक्टर ट्रॉली तलावात उलटली 12 जणांचा जागीच मृत्यू
माघ पौर्णिमेचा उत्सव साजरा करण्यासाठी जात असताना 12 भाविकांवर काळानं घाला घातला. भीषण दुर्घटना घडली आहे ज्यामध्ये 12 भाविकांचा जागीच मृत्यू झाला आहे. ट्रॅक्टरची ट्रॉली उलटून भीषण अपघात झाला. काही भाविक जखमी झाले आहेत. त्यांना उपचारासाठी रुग्णालयात दाखल करण्यात आलं आहे.उत्तर प्रदेशातील कासगंजमध्ये एक मोठी दुर्घटना घडली. माघ पौर्णिमेनिमित्त गंगेत स्नान करण्यासाठी जात असलेल्या भाविकांनी भरलेली ट्रॅक्टर ट्रॉली तलावात उलटली. या दुर्घटनेची माहिती मिळताच स्थानिक आणि पोलीस प्रशासन घटनास्थळी दाखल झाले. स्थानिकांचा मदतीने बचावकार्य सुरू केले.
