गोळीबाराने कोल्हापूर हादरला..!
गोळ्या झाडल्यानंतर धारदार शस्त्राने केले वार
शाद शौकतवर सहा ते सात जणांनी गोळीबारासह कोयत्यासारख्या धारदार शस्त्रानेही हल्ला केला. त्याच्या डोक्यात धारदार शस्त्राने वार करण्याचा प्रयत्न केला.कोल्हापूरमध्ये शहरात रविवारी रात्री गोळीबाराची घटना घडली. जवाहर नगरात सरनाईक वसाहतीत रात्री अकरा वाजण्याच्या सुमारास सहा ते सात जणांनी शाद शौकत मुजावर याच्यावर गोळीबार केला. त्याच्या पायाला गोळी लागली असून जखमी शौकतवर सीपीआरमध्ये उपचार करण्यात आले. पायात घुसलेली गोळी शस्त्रक्रिया करून बाहेर काढण्यात आलीय.याबाबत मिळालेली माहिती अशी की, चारचाकी गाड्या आणि जमीन खरेदी विक्री करण्याचं काम शाद करतो. शाद मुजावर त्याच्या मित्रांसोबत रात्री घराजवळ असलेल्या कट्ट्यावर बसला होता. त्यावेळी चारचाकी आणि दुचाकीवरून आलेल्या सहा ते सात जण आले. त्यांनी शादच्या दिशेने तीन गोळ्या झाडल्या. यातील एक गोळी शादच्या मांडीत घुसली. तर दोन गोळ्यांचा नेम चुकल्याने शाद वाचला.शाद शौकतवर सहा ते सात जणांनी गोळीबारासह कोयत्यासारख्या धारदार शस्त्रानेही हल्ला केला. त्याच्या डोक्यात धारदार शस्त्राने वार करण्याचा प्रयत्न केला. यातून शादने स्वत:ला कसंबसं वाचवलं. मात्र गोळी लागून तो जखमी झाला. त्याला जखमी अवस्थेत तत्काळ सीपीआरमध्ये दाखल करण्यात आलं.
